OPEN HEAVENSMATALA LE LAGI MO LE ASO LUA 30 TESEMA 2025(tusia e Pastor EA Adeboye) Manatu Autu:  Tatalo mo le 2026 (Prayers for 2026)Tauloto Tusi Paia: Salamo 67:1 “Ia alofa mai le Atua ‘iā i matou, ma ‘ia fa‘amanuia mai i matou; ‘ia malamalama mai ‘iā te i matou ona fofoga. Selā.”‭‭Faitauga - Tusi Paia: Salamo 67:1-7TataloTamā, ou te faafetai atu mo le faasaoina o lo’u ola i lenei tausaga atoa 2025. Ou te vivii ma faamanū i lou suafa paia aua ou te iloa o le a ou maua le sili atu o lou alofa tunoa ma le alofa mutimutivale i le 2026. Tamā, faamolemole, afio ma muamua atu i o’u luma ao ulufale atu i le 2026 ma ia faalauleleia mea uma e mapuepue. Aua nei iai se mea leaga e latalata mai ia te aʻu, faapea ma e pele ia te aʻu i le tausaga fou, i le suafa o Iesu.Tamā e, faamolemole taʻitaʻi ma faasino oʻu ala uma i le 2026. Ia e faatonu i mea ou te savali ai, i le suafa o Iesu.Tamā e, faamolemole ia faalatalata atu a’u nei ia te oe ia mafana la’u mafutaga ma oe i le 2026. Fesoasoani mai ia te au ma lo’u aiga ia mafuta ma tumau ia te oe ia faifaipea, i le suafa o Iesu.Tamā e, faamolemole ia faamalosia le sootaga i totonu o loʻu aiga i le 2026. Ia latalata ma fealofani moni i matou ma ia maua le loto gatasi ia te oe, i le suafa o Iesu.Tamā e, faamolemole ia talaia faitotoa o le alofaina ma le alualu i luma mo aʻu ma loʻu aiga i le 2026. Ou te taʻutino atu o le a matou manuia i totonu o lenei atunuu ua matou aumau ai, i le suafa o Iesu.Le Tamā e, faamolemole tuuina mai le soifua maloloina lelei mo aʻu ma loʻu aiga i le 2026. Ia aua nei faaaluina ni matou aso i le maʻi, i le suafa o Iesu.Le Tamā e, o oe o loʻu puna’oa. Faamolemole, tausi mai ia te aʻu ma loʻu aiga i le 2026. ‘Aua lava nei matou mativa i se mea lelei, i le suafa o Iesu.Tamā e, ia iai le filemu ma le manuia mai ia te oe, e silisili lava i mea uma e manatu i ai, e leoleoina ai o matou loto ‘atoa ma o matou mafaufau ‘iā Keriso Iesu. O le fefe ma le popole, ia mamao ese mai iai matou, i le suafa o Iesu. Le Alii e, faamolemole fa’auuina aʻu mo galuega tetele, mo lou malo i le 2026. Foai mai ia te a’u le loto toa ma le alofa tunoa e tosina mai ai le tele o agaga i lou malo.Tamā e, faamolemole aumai nisi e fesoasoani mai ia te a’u ia ausia faamoemoega o lo’u olaga i le 2026. Ou te lē pologa i le faataunuuina o le faamoemoega lelei ma le manuia o lo’u lumanai ua e foai mai ia te a’u, i le suafa o Iesu.Afio mai oe Agaga Paia e faatumu ia te a’u ia taumasuasua i le 2026, i le suafa o Iesu e tatalo atu ai nei, Amene. 

Ver todos los episodios